ГОДИШНИНА НА БРАТСТВОТО

ПРОСЛАВА НА ГОДИШНИНА НА БРАТСТВОТО

Стокхолм 2019.01.21

Во прекрасниот амбиент на ресторанот „Van der Nootska palatset“, сместен во автентичната палата изградена од шведската благородничка фамилија Ван дер Нот, во 1672 година во јужниот дел на Стокхолм, Братството на Свети Јован свечено го прослави својот патрон, Свети Јован Крстител. Покрај редовните членови на Братството, годинашната прослава собра повеќе од 60 пријатели на ова добротворно православно здружение, кое веќе петта година успешно работи низ целото Кралство Шведска. По церемонијата за подигнување на знамето, гостите беа пречекани со топли зборови на добредојде од претседателот на братството, Драган Парезановиќ. Во своето обраќање пред присутните, г-дин Парезановиќ се осврна на работата на Братството во текот на изминатата година, посочувајќи дека многу од планираните задачи биле успешно завршени и дека, во меѓувреме, се во тек голем број на нови проекти кои активно се спроведуваат.

Како и во минатото, така и оваа година Братството додели пет еднократни стипендии на нашите успешни студенти и талентирани спортисти. Претседателот на Студентскиот комитет за стипендии, г-дин Стеван Филиповиќ, ја имаше честа да им додели стипендии на три млади перспективни дами: Викторија Томсон, четврта година по право на универзитетот Стокхолм, Ивана Пепиќ, магистерски студент на Институцијата за биомедицински инженеринг на универзитетот Чалмерс во Гетеборг и Габријела Обрадовиќ, докторанти на истиот универзитет. Спортските стипендии, од друга страна, им беа доделени на Лазар Радосавjeевиќ и Драгоjуб Китановиќ, играчи на кошаркарскиот клуб „Djurgarden“, со кој што со години управува нашиот истакнат социјален и спортски работник Горан Попов, еден од основачите на братството „Свети Јован“.

Покрај овие стипендии, професор д-р Јован Антовиќ од Институтот Каролинска најави дека, по едногодишна пауза, ќе се додели една стипендија на Тамара Николиќ Туниќ од Србија. Стипендијата е за пост-докторски студии во Шведска од фондот за стипендии именуван по д-р Антовиќ.

Конечно, признавајќи го огромниот напор низ многу години за поврзување со српската и шведската филмска и театарска култура, Братството на Свети Јован ја додели нашата познатата награда „The Chrystal Award“ на нашата еминентна културна уметничка работничка Јелена Мила.

Во текот на вечерта присутните ги забавуваше семејното трио „Amvon“ од Стокхолм со својата музичка програма. Покрај одличните кулинарски специјалитети, годинава на гостите им се служеше и вино „Свети Јован“ произведено од винаријата „Камник“ од Македонија за потребите на Братството.

Пишува: Душко Топаловиќ